ედუარდ ჯიშკარიანი სოციალურ ქსელში პოსტს აქვეყნებს:
“იმნაძე არ ამბობს? მე ვიტყვი:
სააკაშვილმა იმნაძე დაიჭირა ლუგარის ლაბორატორიის მშენებლობის დასრულებამდე ორი წლით ადრე, მისგან მოითხოვდნენ უბრალოდ ქვეყნის დატოვებას და საზღვარგარეთ წასვლას საცხოვრებლად, ეს ვერაგული ჩანაფიქრი ვერ განახორციელეს იმ უბრალო მიზეზის გამო რომ პენტაგონი და თეთრი სახლის ადმინისტრაცია ჩაერია.

იმნაძის ქვეყნიდან გაქცევის შემთხვევაში კიდევ ლუგარის ლაბორატორიის მშენებლობა უნდა შეჩერებულიყო ან გაურკვეველი ვადით გადადებულიყო.
რომელი ქვეყნის ინტერესებში შედიოდა აღნიშნული ლაბორატორის მშენებლობის შეჩერება და რომელი ქვეყნის პრეზიდენტის მკაცრი მოთხოვნის საფუძველზე გადაწყდა იმნაძის დაკავება-გაძევების ოპერაცია, ვისი კაგებეშნიკი ბიძა ხელმძღვანელობდა ამ ;ოპერაციას; ამის გამოცნობა არ გაგიჭირდებათ.”

სოციალური ქსელის ერთერთი მომხმარებელი Otar Nagervadze კი მას ასე პასუხობს:
“პაატა იმნაძეს არავინ იჭერდა. ჯანდაცვის სამინისტრომ ჩაატარა ვაქცინების შესყიდვის ტენდერი (დაავადებათა კონტროლის ცენტრისთვის), იყო დარღვევა, და კორუფციაზე ჯანდაცვის მინისტრის მოადგილე ციხეში ჩაჯდა, კოკა ფრუიძე. დაიკითხა კომისიის ყველა წევრი, მათ შორის, პაატა იმნაძეც. რამდენიმე საათი გაატარა პროკურატურაში. პრინციპში, ალბათ მისი პასუხისმგებლობაც იყო, თუმცა მისი ბრალეულობა არ დადგინდა, და შესაბამისად, არც დაუჭერიათ, მხოლოდ დაკითხეს. ამდენად, მისი ყველა ლაპარაკი დაჭერაზე, ან ამერიკელების მიერ ხსნაზე – არის მტკნარი ტყუილი და გამოგონილი.
სინამდვილეში, იმნაძეც და გამყრელიძეც გაბრაზებულები იყვნენ იმაზე, რომ ლუგარის ლაბორატორია გამოვიდა ჯანდაცვის სამინისტროს დაქვემდებარებიდან და პირდაპირ დაექვემდებარა პრემიერ-მინისტრს;
რაც შეეხება “ჯანდაცვის სამინისტროსათვის წართმევის” თემას – – ლუგარის ლაბორატორია საერთოდ იყო აშშ-ს თავდაცვის დეპარტამენტის და საქართველოს თავდაცვის სამინისტროს შორის არსებული ხელშეკრულების ფარგლებში; ლაბორატორია შენდებოდა უსაფრთოხებისთვის – დაცული ყოფილიყო პათოგენების კოლექცია. ყველგან შეიძლებოდა ყოფილიყო – თავდაცვაში, ან ჯანდაცვაში და ან სულაც სოფლის მეურნეობაში , თუ განათლების სამინისტროში. მნიშვნელობა არ იყო სად. მაშინდელმა მთვარობამ დაუქვემდებარა პირდაპირ პრემიერს, და 6 სხვადასხვა სამინისტრო შევიყვანა მმართველ ბორდში, დავურთეთ (ამერიკელების სურვილით და დახმარებით) საერთაშორისო მეცნიერების (ძალიან მხეცების) ბორდი და ადგილობრივი სამეცნიერო საბჭო. გარდა ამისა, რამდენიმე საზედამხედველო რგოლი. ლაბორატორიის სარგებლობა გახდა ხელმისაწვდომი და ლაბორატორიის ვალდებლება გახდა მომსახურებოდა ჯანდაცვას, სოფლის მეურნეობას (სურსათის უვნებლობის ჩათლით), განათლებასა და მეცნიერებას და კერძო კომპანიებს. ლაბორატორია გახდა ასევე ცენტრალური ტრეინინგ ცენტრი – მაგალითად, უსაფრთოხების პროტოკოლების დანერგვა და პერსონალის გადამზადება, რაც ახლა ხდება კორონასთან დაკავშირებით. აი, ამას უძახიან “ჯანდაცვისთვის წართმევას”!”

პაატა იმნაძის შვილი, ლიზი იმნაძე სოცილურ ქსელში შემდეგი შინაარსის ტექსტს აქვეყნებს:
„რა გავაკეთო, ვითმინე ვითმინე, მარა ვეღარ ვითმენ. რაში გინდათ ინფექციური ან ლუგარი, ვილოცოთ, ხატებს ვემთხვიოთ მთელი ქალაქი და ვიყოთ ასე არხეინად“, – წერს ლიზი იმნაძე საკუთარ facebook გვერდზე.

ასევე, პაატა იმნაძის შვილი ტატა იმნაძეც, რომელიც ლუგარის ლატორატორიაში მუშაობს, წერს:
„გვახსოვდეს, რომ ქრისტიანული მოძღვრების მიხედვით, არცერთი საეკლესიო წესის შესრულება არ არის თუნდაც ერთი ადამიანის სიცოცხლეზე მეტი. ახლა ერთმანეთზე ზრუნვაა უფლის მსახურებაც.

იქნებ ამ განსაცდელში უფალს სურს ნახოს, რამდენად ვუფრთხილდებით ერთმანეთს ადამიანები?! გავუფრთხილდეთ ერთმანეთის სიცოცხლეს, დავრჩეთ სახლში“, – წერს ტატა იმნაძე.
შეგახსნებთ, რომ დაავადებათა კონტროლის ცენტრის მოადგილეს პაატა იმნაძეს ტყუპი გოგონები ყავს.

“ევ­რო­პუ­ლი სა­ქარ­თვე­ლოს” ერთ-ერთი ლი­დე­რი გიგი უგუ­ლა­ვა სა­ქარ­თვე­ლოს პატ­რი­არ­ქს მი­მარ­თავს. უგუ­ლა­ვა სო­ცი­ა­ლურ ქსელ “ფე­ის­ბუქ­ზე” წე­რილს აქ­ვეყ­ნებს, რო­მელ­შიც სთხოვს პატ­რი­არ­ქს, რომ მო­უ­წო­დოს მრევლს დარ­ჩეს სახ­ლში.

რო­გორც უგუ­ლა­ვა წერს, ქვე­ყა­ნა ბეწ­ვის ხიდ­ზე გა­დის. სა­ზო­გა­დო­ე­ბა და ხე­ლი­სუფ­ლე­ბა ავად თუ კარ­გად, ექი­მებ­თან ერ­თად, უმკლავ­დე­ბა ვირუსს, მაგ­რამ ძა­ლა­უფ­ლე­ბის შერ­ყე­ვის ში­შით “ისი­ნი ვერ გე­ტყვი­ან სი­მარ­თლეს. სი­მარ­თლეს უმე­ტე­სო­ბა არც სი­ნოდ­ში გე­ტყვით, სამ­წუ­ხა­როდ.”

“თქვე­ნო უწ­მინ­დე­სო­ბავ, სა­შიშ­რო­ე­ბა რე­ა­ლუ­რია – ეს იყო თქვე­ნი სი­ტყვე­ბი წლე­ბის წინ, 1989 წლის 9 აპ­რილს და სა­შიშ­რო­ე­ბა მარ­თლაც რე­ა­ლუ­რი იყო. სა­შიშ­რო­ე­ბა რე­ა­ლუ­რია დღეს და თქვენს სი­ტყვებს ექ­ნე­ბა გა­დამ­წყვე­ტი მნიშ­ვნე­ლო­ბა.

მოგ­მარ­თავთ თხოვ­ნით ცი­ხი­დან. თქვენ მე პრაქ­ტი­კუ­ლად ბავ­შვო­ბი­დან მიც­ნობთ, არას­დროს პი­რად სა­კი­თხზე არ შე­მი­წუ­ხე­ბი­ხართ. არც მა­შინ როცა თქვე­ნი მო­წა­ფე ვი­ყა­ვი, არც მა­შინ როცა ძა­ლა­უფ­ლე­ბა მქონ­და და არც ახლა როცა ცი­ხე­ში ვარ. არც პირ­ფე­რო­ბა მჩვე­ვია და ბევ­რი მწა­რე სი­ტყვე­ბი მით­ქვამს. ამას ახლა არა­ნა­ი­რი მნიშ­ვნე­ლო­ბა არ აქვს.

გე­ვედ­რე­ბით შე­ა­ჩე­რეთ ეს კა­ტას­ტრო­ფა, სა­შიშ­რო­ე­ბა მარ­თლაც რე­ა­ლუ­რია, მო­უ­წო­დეთ მრევლს დარ­ჩეს სახ­ლში, ილო­ცოს სახ­ლში, სჯობს და­ინ­თოს ასი ათა­სი სან­თე­ლი ეკ­ლე­სი­ებ­ში, ნაც­ვლად ასი ათა­სი ადა­მი­ა­ნის შეკ­რე­ბი­სა. ნუ გავ­წი­რავთ მათ სნე­უ­ლე­ბის­თვის. დღეს ეს თქვენს ხელ­შია.

ქვე­ყა­ნა ბეწ­ვის ხიდ­ზე გა­დის. სა­ზო­გა­დო­ე­ბა და ხე­ლი­სუფ­ლე­ბა ავად თუ კარ­გად, ექი­მებ­თან ერ­თად, უმკლავ­დე­ბა ვირუსს, მაგ­რამ ძა­ლა­უფ­ლე­ბის შერ­ყე­ვის ში­შით ისი­ნი ვერ გე­ტყვი­ან სი­მარ­თლეს. სი­მარ­თლეს უმე­ტე­სო­ბა არც სი­ნოდ­ში გე­ტყვით, სამ­წუ­ხა­როდ.

სი­მარ­თლე კი ისაა, რომ ქვე­ყა­ნა ახლა შე­დის ვირუ­სის გავ­რცე­ლე­ბის კრი­ზი­სულ ფა­ზა­ში. ეს ემ­თხვე­ვა წი­ნა­სა­აღ­დგო­მო პე­რი­ოდს. წინ ხა­რე­ბა, ბზო­ბა, შვიდგზის ზე­თის­ცხე­ბა და ბო­ლოს ბრწყინ­ვა­ლე აღ­დგო­მაა. მო­უ­წო­დეთ მრევლს დარ­ჩნენ სახ­ლში.

ნუ და­ვან­თებთ აპო­კა­ლიპ­ტურ ცე­ცხლს სა­აღ­დგო­მოდ. დიახ, სა­შიშ­რო­ე­ბა რე­ა­ლუ­რია და მეც­ნი­ე­რე­ბას ჯიბრში არ უნდა ჩა­ვუდ­გეთ.
ვე­რა­ნა­ი­რი სქო­სას­ტი­კუ­რი არ­გუ­მენ­ტი ვერ შეც­ვლის იმ ფაქტს, რომ დღე­ი­დან აღ­დგო­მამ­დე სწო­რედ ჩვენ ტაძ­რე­ბი შე­საძ­ლოა გახ­დეს მთა­ვა­რი რის­კის არე­ა­ლი.
ამან შე­იძ­ლე­ბა უბე­დუ­რე­ბამ­დე მიგ­ვიყ­ვა­ნოს. თქვენ გვას­წავ­ლი­დით, რომ ადა­მი­ა­ნია ღვთის სახ­ლი. ვერ­ცერ­თი დი­ა­დი ტაძ­რის გუმ­ბა­თი, ვერ მივა თუნ­დაც ცოდ­ვე­ბით დამ­ძი­მე­ბულ ღვთის ქმნი­ლე­ბა­თა გვირ­გვინ­თან – ადა­მი­ან­თან.

ნუ გა­და­ვაქ­ცევთ ეკ­ლე­სი­ებს სა­სიკ­ვდი­ლო საფრ­თხის კე­რად. არ მივ­ცეთ ამ­პარ­ტავ­ნე­ბას სა­შუ­ა­ლე­ბა, ყვე­ლა სათ­ნო­ე­ბა შთან­თქას.ყო­ველ დღეს აქვს მნიშ­ვნე­ლო­ბა, ყო­ველ სა­ათს. დამ­ნა­შა­ვე­თა ძი­ე­ბას აზრი აღარ ექ­ნე­ბა. დღეს თქვენ სი­ტყვას შე­უძ­ლია ადა­მი­ან­თა გა­დარ­ჩე­ნაც და მათი საფრ­თხე­ში ჩაგ­დე­ბაც.

დღეს, სა­ქარ­თვე­ლოს სა­მო­ცი­ქუ­ლო ეკ­ლე­სია და პი­რა­დად თქვენ, იე­სოს მსგავ­სად ტაძ­რის გუმ­ბათ­ზეა და მინ­და მჯე­რო­დეს, რომ ეშ­მაკს სწორ პა­სუხს გავ­ცემთ – ნათ­ქვა­მია: არ გა­მოს­ცა­დო უფა­ლი ღმერ­თი შენი (ლუკა 4:12)

გთხოვთ, მო­უ­წო­დოთ მრევლს დარ­ჩეს სახ­ლში.”მო­დით, ჩემო ხალ­ხო, შე­დით თქვენს ოთა­ხებ­ში და გა­მო­ი­კე­ტეთ კარი, მცი­რე ხნით შე­ა­ფა­რეთ თავი, ვიდ­რე რის­ხვა გა­და­ივ­ლი­დეს”.

პა­ტი­მა­რი გიგი უგუ­ლა­ვა”, – წერს “ევ­რო­პუ­ლი სა­ქარ­თვე­ლოს” ერთ-ერთი ლი­დე­რი სო­ცი­ა­ლურ ქსელ­ში.

ჩვენ ომში ვართ და ვირუსი განადგურებით გვემუქრება, უნდა იბრძოლოთ, იბრძოლოთ მაგრად, ჯოჯოხეთურად უნდა იბრძოლოთ, – ამის შესახებ ჯანდაცვის მსოფლიო ორგანიზაციის დირექტორმა, ტედროს გებრეიესუსმა ვირტუალურ სამიტზე განაცხადა, რომელიც კორონავირუსს ეხებოდა.

„მილიონობით ადამიანი შეიძლება მოკვდეს, თუ მთავრობები აგრესიულ ზომებს არ მიიღებენ. პანდემია მსოფლიოს სოციალურ, პოლიტიკურ და ეკონომიკურ სისტემებს ანადგურებს. უნდა იბრძოლოთ, იბრძოლოთ მაგრად, ჯოჯოხეთურად უნდა იბრძოლოთ. იბრძოლეთ ისე, რომ თქვენი სიცოცხლე ამაზეა დამოკიდებული და ეს მართლაც ასეა“, – აღნიშნა გაბრეიესუსმა.

მისივე თქმით, ყველამ მეტი უნდა გააკეთოს, ეს „ვალდებულებაა“.

„ჩვენ მეტი უნდა გავაკეთოთ. უნდა ავაშენოთ სწრაფად, გავზარდოთ, ვასწავლოთ. ეს ალტერნატივა არ არის. ეს ვალდებულებაა. ჩვენ შეიძლება სხვადასხვა ენაზე ვსაუბრობდეთ, მაგრამ ჩვენ ერთნაირად უნდა ვიმოქმედოთ. ჩვენ ერთი კაცობრიობა ვართ“,- დასძინა დირექტორმა.